Iyovwinreta
3 Ayen Vwẹ Oma Rayen Kpahotọ—Vwẹ Madagascar
UDUGHWRẸN RẸ FEBRUARY 26, 2018–MARCH 4, 2018
7 “Ọ Vwẹ Ogangan kẹ Ohwo rẹ Oma Rhọ”
Die yen e se ru siẹrẹ ebẹnbẹn rẹ akpọ na da gan nọ kẹ avwanre? Vwevunrẹ uyono nana, a cha fuẹrẹn uyovwinrota rẹ ukpe rẹ 2018, kugbe oboresorọ o vwo fo nẹ a vwẹ uphẹn kẹ Jihova nẹ ọ bọn avwanre gan. A je cha ta ota kpahen oborẹ Jihova che ru ọnana wan.
UDUGHWRẸN RẸ MARCH 5-11, 2018
12 Oyerinkugbe rẹ Avwanre vẹ Ẹkarophiyọ Na
E che ru Ẹkarophiyọ rẹ Ughwu rẹ Jesu vwẹ Saturday, March 31, 2018. Mavọ yen e se vwo muegbe phiyotọ hẹrhẹ? Idjerhe vọ yen Ẹkarophiyọ na vwo toroba omamọ oyerinkugbe rọhẹ ohri rẹ ihwo rẹ Ọghẹnẹ? Erere vọ yen a sa mrẹ norhe? Uyono nana cha kpahenphiyọ enọ yena.
UDUGHWRẸN RẸ MARCH 12-18, 2018
17 Diesorọ E Vwo Ruẹse kẹ Ọ ro Vwo Emu Ejobi?
Jihova yen kẹ avwanre kemu kemu rẹ avwanre vwori. Dedena, ọ je guọnọ nẹ avwanre ru itetoro vwọ kẹ ẹyan-obaro rẹ iruo rẹ Uvie na. Uyono nana che dje oboresorọ o vwo fo nẹ e ru ọtiọyen, kugbe erere ro che te avwanre obọ siẹrẹ a da vwẹ oborẹ avwanre vwori vwo brọghọ phiyọ Jihova oma.
UDUGHWRẸN RẸ MARCH 19-25, 2018
22 Oka rẹ Ẹguọnọ vọ Yen sa kẹ Ohwo Uvi Omavwerhovwẹn?
UDUGHWRẸN RẸ MARCH 26, 2018–APRIL 1, 2018
27 Mrẹ Ofẹnẹ Rọhẹ Ohri rẹ Ihwo
Ọrẹsosuọ na che dje oborẹ ẹguọnọ rẹ Ọghẹnẹ rọ fẹnẹ ẹguọnọ omeru rẹ ihwo buebun vwori vwẹ “oba rẹ ẹdẹ na” sa vwọ kẹ ohwo uvi rẹ omavwerhovwẹn. (2 Tim. 3:1) Ọ rọ vwọ kpahọn, ko che dje oborẹ uruemu ro rhe idibo rẹ Ọghẹnẹ vwọ fẹnẹ ọ rẹ ihwo buebun vwori vwẹ ẹdẹ re koba na.