Die Yen Baibol na Ta Kpahen Emekashe?

A shẹ ọbe nana-a, ọyen ẹbẹre-ọvo rẹ owian rẹ uyono ri Baibol rẹ akpọeje, re ruẹ womarẹ itetoro ro wonhwo.

Wọ da guọnọ ru itetoro, biko kpo www.jw.org/urh.

Jokpanẹ ke djerephia, asan ri nẹ Baibol rhe eje ra vwọba ta ota, Baibol Ọfuanfon Na ọyen i nurhe, ẹkẹvuọvo, e si ibieta na nene obo re siẹ eta rẹ urhobo asaọkiephana. Wọ da rha mrẹ NW, gba riẹn nẹ New World Translation of the Holy Scriptures, 2013 Edition, ọyen o nurhe.

IMAGAZINI NANA, re se Uwevwin Orhẹrẹ na, titi Jihova Ọghẹnẹ, rọ dia Osun rẹ odjuvwu vẹ akpọ. O bru ihwo uche womarẹ iyẹnrẹn esiri rẹ Uvie rẹ Ọghẹnẹ ro che si imwemwu eje no kẹrẹkpẹ, o mi rhe ru akpọ na phiyọ iparadaisi. O jiro nẹ e vwo esegbuyota kpahen Jesu Kristi, ro ghwuru rere avwanre se vwo vwo arhọ rẹ bẹdẹ, ro ji suẹn asaọkiephana kerẹ Ovie rẹ Uvie Ọghẹnẹ. Rhavwẹn 1879, ọyen a vwọ teyen imagazini nana cha re, o titi usuon rẹ akpọ nana-a. E mu eta rehẹ evun rọyen ejobi kpahen Baibol na.