Evuẹ Vwọ kẹ Ihwo re Rhiẹ Ọghwẹkoko Na

ASAN RA DA REYỌ IHUNVWUN Biko riẹn nẹ e ru ọrhuẹrẹphiyotọ nana fikirẹ omaesivwo rẹ okpakpa ọvo.

ATẸDANTI Iniọvo nana re vwẹrote echidiotọ na cha chọn wẹ uko. Biko nabọ nene odjekẹ rayen kpahen asan ra rhuẹrẹ vwọ kẹ imoto, asan ro fori nẹ a wan, ra vwọ sẹro rẹ egbara vwọ hẹrhẹ ihwo efa, kugbe eta efa.

ECHIDIOTỌ Biko roro kẹ ihwo efa. Karophiyọ nẹ wọ sa sẹro rẹ egbara hẹrhẹ ihwo rẹ wọ vẹ ayen gba ro imoto vuọvo yẹrẹ ihwo rẹ wọ vẹ ayen gbe nẹ uwevwin rhe yẹrẹ ihwo rẹ wo yono Baibol na. Biko wo phi orọnvwọn vuọvo phiyọ egbara naa, jokpanẹ wọ guọnọ sẹro rọyen kẹ ohwo.

ERỌNVWỌN RI GHWRURU RA RHOMA MRẸ Kemu kemu ra mrẹre, e jẹ e vwo kpo Akon Iruo rẹ Erọnvwọn ri Ghwruru ra Rhoma Mrẹ. Orọnvwọn wẹn de ghwru, gbe kpo etiyin. A je reyọ ọmọ ro bo ghwru jẹ ọsẹ vẹ oni rọyen vwo kpo etiyin. Ẹkẹvuọvo, ẹwẹn rẹ ihwo eje se vwo totọ, biko vwẹrote emọ wẹn, jẹ ayen chidia kẹrẹ owẹ.

ITETORO A ghwọrọ igho buebun vwo ru asan re chidia na, ekuakua rẹ uhworo, kugbe ewian efa re nẹrhẹ avwanre riavwerhen rẹ ọghwẹkoko nana, rere avwanre se vwo sikẹrẹ Jihova. Itetoro wẹn ro nẹ otọ ubiudu rhe cha nẹrhẹ a sa vwẹrote enana, vẹ owian rẹ akpọeje. Ọ vwọ phẹre kẹ wẹ, e mu ekpeti rẹ itetoro phiyọ asan sansan vwevunrẹ ọguan na. Wo se ru itetoro vwẹ itanẹti womarẹ donate.jw.org. Itetoro rẹ ovwan da avwanre ẹro mamọ. Ẹko Rọvwẹrote na nabọ kpẹvwẹ ovwan vwọ kẹ itetoro rẹ ovwan ruẹ ghwologhwolo fikirẹ ẹyan obaro rẹ iruo Uvie na.

OMAEBROPHIYAME Ihwo re che bruphiyame che chidia obaro umukpe na jokpanẹ ọrhuẹrẹphiyotọ ọfa herọ. E jẹ ayen chidia tavwen ota rẹ omaebrophiyame na ke tonphiyọ vwẹ urhiọke ri Saturday. Ayen ghwa ukpacha rhe, je sẹn osẹnvwe abavo ra vwọ họ.

OMAẸVWỌKPAHOTỌ Wo de vwo owenvwe wọ vwọ wiowian vwẹ ọghwẹkoko nana, biko kpo Akon Iruo Rọvwẹrote Evuẹ kugbe Ihwo re Vwomakpahotọ.

ORUFON RẸ OBA UDUGHWRẸN Ọke sansan rehẹ brakẹti na, e yen ọke re che vwo ru ọghwẹkoko ri shephiyọ Saturday re vwo ru Orufon rẹ Orere. Vwẹ oba rẹ udughwrẹn tiọyena, a reyọ Ota ro churobọ si ohwohwo na, “Vwẹ Iyẹnrẹn Esiri na Vwo Phi Erharhe Iyẹnrẹn Kparobọ” ro fori nẹ a ta vwẹ oghẹruvo ri Saturday vwọba ọrhuẹrẹphiyotọ rẹ urhiọke ri Friday.