Vwẹ Udje Vwo Yono

Matiu 13:34, 35

ỌDJẸKOKO: Vwẹ idje elọlọhọ vwọba yono, kidie ọ cha nẹrhẹ ota wẹn te ubiudu rẹ ihwo wo ta ota kẹ, ji dje ẹkpo eghanghanre fiotọ.

OBO RE CHE RUO WAN:

• Sane idje elọlọhọ. Kerẹ Jesu, vwẹ erọnvwọn itete vwo dje erọnvwọn ride fiotọ, erọnvwọn elọlọhọ vwo dje erọnvwọn egangan fiotọ. Kẹnoma kẹ erọnvwọn sansan ri fiemu-u re sa nẹrhẹ ọ bẹn re vwo vwo ẹruọ rẹ udje na. Jẹ o muwẹro nẹ udje na shekpahen obo wo yono na, ọ rha dia ọtiọye-en, ihwo che no nẹ ẹbẹre ọvo rẹ udje na shekpahen obo ra ta na-a, ẹwẹn rayen mi rhi tighi.

• Phi ihwo wọ ta ota kẹ na phiyọ ẹwẹn. Sane idje ri churobọ si oborẹ ihwo wọ ta ota kẹ na ruẹ vẹ obo ri je ayen. Wo jẹ udje wẹn ghwa omavovwẹ yẹrẹ ivuemiovwo rhe ihwo na-a.

• Yono ẹkpo re ma ghanre. Jẹ udje na shekpahen ẹkpo re ma ghanre ọ dia i ri jẹ emu efio-o. Vwo imuẹro nẹ ohwo wọ ta ota kẹ na yono nẹ udje na rhe.