Emọ, Eyen Okẹ Ọghẹnẹ Vwọ kẹ Avwanre

1. Ọshare v’aye da rọvwọn,

Ayen de ji vwi’ọmọ r’obọ rayen.

K’ayen cha vwẹrovwot’ọmọ na,

J’ọna di’oghwa ray’ọvo rẹ.

Jihova yen vw’ọmọ na k’ayen.

Ọyen vw’arhọ, Ọghẹnẹ r’ẹguọnọ.

Ọ rey’odjekẹ vwọ k’emiọvwọn,

Odjekẹ rọ vọnre v’aghwanre.

2. Obo ri Jihova tare,

E je nabọ di’evunr’ubiudu wẹn.

Vw’eta nana vwo yon’emọ wẹn,

Ọnan’iruo ra vwọ kẹ wẹ.

Gbe yon’ayen vwevunr’idjerhe,

Wo de sherhẹn kugb’ọke wo de vrẹn.

K’ayen cha vw’ubiudu ray’eje

Vwọ g’Ọghẹnẹ je mr’ebruphiyọ.