Chirakon te Oba

1. Ota kugb’ive r’Ọghẹnẹ

Nẹrhe se chirakon.

Erọnvw’eje wo yonori,

E nabọ vọn v’imuẹro.

Mudia gan vw’esegbuyota,

Oba na sikẹri re.

Edavwini che ru we gan.

Sẹro r’ọyọnregan wẹn.

2. Nabọ sẹro r’ẹguọnọ wẹn,

Wo jọ vawabọ rẹ.

Dede n’edavwini cha rhe,

Davwẹngba vwo chirakon.

Ebẹnbẹn de t’avwanr’oma,

E j’oshọ mu’avwanre rẹ.

Jihova cha vw’ukẹcha phia,

O che bich’avwanr’eje.

3. Ihwo ri chirakon t’oba,

Iyin che vw’usivwin.

E che si’edẹ ray’ejobi

Phiy’evunr’ọbe r’arhọ.

J’odirin ruiruo rọyen gba,

Muegbe wo vwo chirakon.

Jihova che bruba kẹ wẹ;

Wọ cha mr’omavwerhovwẹn.