Yanrhe! Wo Vwo Urovwoma

1. Avwanre yerẹn vw’akpọ rọ pha brabra,

Ihwo buebun ri’Ọghẹnẹ rẹ.

A guọn’uchebro v’ukẹcha r’Ọghẹnẹ,

Avwanre vwo phikparobọ.

Emẹvwa r’avwanre yen b’avwanre gan,

Je nẹrhe vw’iphiẹrophiyọ.

E nẹrh’esegbuyota r’avwanre gan,

Je nẹrhe vw’omavwerhovwẹn.

A cha yọnr’irhi ri Jihov’Ọghẹnẹ,

E ji che ru’ọhọre rọyen.

Emẹvwa nẹrhe ru’obo ri yovwirin,

Ji vw’ẹguọnọ r’uyota na.

2. Jihova nabọ ri’ọdavwẹ r’avwanre,

Ja kerhọ r’uchebro rọyen.

E de vw’aghwanre je vwẹrosu’Ọghẹnẹ,

Ke che kp’emẹvwa ọkieje.

Ekpako r’ukoko na yon’avwanre

Obo ra sa vwọ yọnregan.

Iniọvo r’avwanre reh’akpọneje

Ch’avwanr’uko vwo mudiagan.

Avwanr’eje vwọ hẹrh’akpọ kpokpọ na,

Je siomakoko g’Ọghẹnẹ.

Emẹvwa cha nẹrh’avwanre vw’aghwanre

Re vwo yer’omamọ r’akpọ.