UNE 15
Jiri Ọmọkpako rẹ Jihova!
Ọ rọ Họhọ ọ ra Teyenphia
1. Jiri Jesu Kristi,
Ọmọkpako r’Ọghẹnẹ,
Ovie r’Ọghẹnẹ vwo mu,
Rọ cha ghw’ebruba vwọ rhe.
O muọghọ vwọ k’Ọghẹnẹ,
Ji vw’ẹguọnọ rọyen.
O che titi Jihova,
Ji tit’usuon rọyen.
(EKUO)
Jiri Jesu Kristi,
Ovie r’Ọghẹnẹ vwo mu.
Vw’ugbenu ri Zayọni,
Usuon na tonphiyọ re!
2. Jiri Jesu Kristi,
Ohwo ro ghwu k’avwanre.
Womar’ọtanhirhe na,
Ke se vw’arhọ ri bẹdẹ.
Orọnvwe ri Jesu na
V’ihwo ra jẹreyọ,
Cha ghw’urinrin rh’Ọghẹnẹ,
Ji tit’Uvie rọyen.
(EKUO)
Jiri Jesu Kristi,
Ovie r’Ọghẹnẹ vwo mu.
Vw’ugbenu ri Zayọni,
Usuon na tonphiyọ re!
(Ji ni Une 2:6; 45:3, 4; Ẹvwọ. 19:8.)