UNE 2
Jihova Yen Odẹ Wẹn
Ọ rọ Họhọ ọ ra Teyenphia
1. Ọghẹnẹ r’uyota,
Ọghẹnẹ ri bẹvwẹdẹ,
Wẹ yen m’erọnvw’ejobi,
Jihova y’odẹ wẹn.
Wẹ yen ch’avwanr’uko
Vwọ mr’ukoko wẹn vughe,
Vwo ghwoghw’urinrin wẹn na
Vwọ ru’akpọ n’ejobi.
(EKUO)
Jihova, Jihova,
A mrẹ vwo dje we rẹ.
Vw’obodjuvwu v’otọrakpọ
Wẹw’ọvo y’Ọghẹnẹ.
Ihworakpọ na cha riẹn nẹ
Wẹwẹ yin me vw’ẹgba.
Jihova, Jihova,
Wẹw’ọvo y’Ọghẹnẹ bẹdẹ.
2. Wọ k’avwanr’ogangan
Vwo ru’obo wọ guọnọre,
Vwo ru’ọhọre w’ejobi,
Jihova y’odẹ wẹn.
Avwanr’iseri wẹn,
Ọy’odẹ wo s’avwanre.
Oma kọ vwerh’avwanre
Ifikir’odẹ wẹn.
(EKUO)
Jihova, Jihova,
A mrẹ vwo dje we rẹ.
Vw’obodjuvwu v’otọrakpọ
Wẹw’ọvo y’Ọghẹnẹ.
Ihworakpọ na cha riẹn nẹ
Wẹwẹ yin me vw’ẹgba.
Jihova, Jihova,
Wẹw’ọvo y’Ọghẹnẹ bẹdẹ.
(Ji ni 2 Ikun 6:14; Une 72:19; Aiz. 42:8.)