Ọdjẹkoko rẹ Ẹbẹre 1

Baibol na tonphiyọ vẹ ikuegbe rẹ emama, ọnana nẹrhẹ avwanre mrẹ erọnvwọn iyoyovwin rẹ Jihova mare vwẹ odjuvwu vẹ otọrakpọ na. Wọ da dia ọmiọvwọn, vwẹ ukẹcha kẹ ọmọ wẹn vwọ mrẹ erọnvwọn sansan rẹ Ọghẹnẹ mare. Vuẹ kpahen idjerhe rẹ Ọghẹnẹ ma ohworakpọ wan rọ nẹrhẹ ọ fẹnẹ eranvwe dibidibi. Ọ kẹ avwanre ẹgba ra vwọ ta ota, re vwo roro iroro, re vwo ruẹ erọnvwọn kpokpọ, ra vwọ so une, kugbe ra vwọ nẹrhovwo. Chọn ọmọ wẹn uko vwo vwo ọdavwaro kpahen ẹgba vẹ aghwanre rẹ Jihova, ma rho ẹguọnọ ro vwo kpahen erọnvwọn rọ mare eje ji te avwanre ohwo ọvuọvo.