Die Yen Iyẹnrẹn Esiri Na?

1. Iyẹnrẹn vọ yin nẹ obọ rẹ Ọghẹnẹ rhe?

Ọghẹnẹ guọnọre nẹ avwanre yeren akpọ rẹ omavwerhovwẹn vwẹ otọrakpọ na. Ọyen ma akpọ na kugbe erọnvwọn rehẹ evun rọyen eje, fikiridie o vwo ẹguọnọ rẹ ihworakpọ. O rhe che kri-i, Ọghẹnẹ cha vwẹ omamọ rẹ akpeyeren vwọ kẹ ihworakpọ eje. O che si ojaẹriọ eje no.—Se Jerimaya 29:11.

A je rhe mrẹ usuon ro se si ozighi, ọga, yẹrẹ ughwu no-o. Ẹkẹvuọvo iyẹnrẹn esiri herọ. Ọghẹnẹ cha vwẹ usuon rọyen vwo wene ọrẹ ihworakpọ kẹrẹkpẹ. Ihwo rehẹ otọ rẹ usuon na cha dia vwọrẹ ufuoma, ji vwo oma kpokpọ gbrọgbrọ.—Se Aizaya 25:8; 33:24; Daniẹl 2:44.

2. Diesorọ iyẹnrẹn esiri na vwọ dia emu rẹ okpakpa?

Ojaẹriọ che no ọke rẹ Ọghẹnẹ da ghwọrọ iruimwemwu nẹ akpọ na. (Zẹfanaya 2:3) Ọke vọ yẹn ọyena cha vwọ phia? Ota rẹ Ọghẹnẹ mraro rẹ erọnvwọn ebrabra re phia vwẹ akpọ na asaọkiephana phiyotọ. Erọnvwọn ebrabra re phia na, djerephia nẹ ọke rẹ Ọghẹnẹ cha vwọ ghwọrọ iruimwemwu na sikẹre re.—Se 2 Timoti 3:1-5.

3. Die kọyen fori nẹ avwanre ru?

Ofori nẹ avwanre yono kpahen Ọghẹnẹ vwo nẹ Ota rọyen Baibol na rhe. Ọ pha kerẹ ileta rẹ ọsẹ ro vwo ẹguọnọ rẹ emọ rọyen si rhe ayen. O dje oborẹ avwanre se vwo yeren omamọ rẹ akpọ asaọkiephana kugbe oborẹ avwanre sa vwọ dia bẹdẹ vẹ omavwerhovwẹn vwevunrẹ otọrakpọ na vwẹ ọke rọ cha vwẹ obaro na. Vwọrẹ uyota, ọ diẹ ihwoeje oma cha vwerhen nẹ wo yono Baibol na asaọkiephana-a. Ẹkẹvuọvo, ofori nẹ uphẹn revwo yeren omamọ rẹ akpọ vwẹ ọke rọ cha vwẹ obaro na vrẹ ohwo abọ-ọ.—Se Isẹ 29:25; Ẹvwọphia 14:6, 7.