ẸBẸRE 14

Mavọ Wo Vwo Se Dje Evun-ẹfuọn Phia kpahen Jihova?

Mudia ẹbẹre r’Ọghẹnẹ. 1 Pita 5:6-9

Onenikristi rọ rhọvwen kuomakugbe ẹga refia-an yẹrẹ oseghe rẹ usuo-on

Kẹnoma kẹ obọ evwo vwẹ ẹkuruemu ri Baibol na rhọnvwe phiyọ-ọ. Ọ guọnẹ uduefiogbere e ki se ru ọnana.

Wo phioma phiyẹ oseghe rusuon rẹ ẹkuotọ na-a; ayen vwomaba Jihova vẹ Uvie rọye-en.

Jẹ ojẹ rọ gbare, otọ rọyen, kerhọ rẹ Ọghẹnẹ. Matiu 7:24, 25

Ọshare ro kpo uyono vwẹ Ọguan Ruvie, ọ vẹ Iseri ri Jihova ji yono Baibol na

Kuomakugbe Iseri ri Jihova; ayen cha chọnwuko vwo sikẹrẹ Ọghẹnẹ.

Yono kpahen Ọghẹnẹ kpobaro wọ davwẹngba vwọ yọnre iji rọyen.

Ọshare rọ nẹrhovwo rẹ omaẹvwọkpahotọ kẹ Jihova, o de rhi bromaphiyame

Esegbuyota wẹn da rhe nabọ gan re, wọ me vwẹ arhọ wẹn kpahotọ kẹ Jihova wọ reyọ ame.—Matiu 28:19.

Kerhọ rẹ Ọghẹnẹ. Se Baibol na, wọ vuẹ Iseri ri Jihova nẹ e chọnwuko vwo vwo ẹruọ rọyen. Rere, wo ru nene obo wo yonori. Wo de ru ọtiọyen, kẹ wọ dia bẹdẹ.—Une Rẹ Ejiro 37:29.