Phiuduphiyọ Ohwohwo Awọ

1. Je phiuduphiy’awọ r’ohwohwo,

Vwọ ga Jihova ọkieje,

Ẹguọnọ r’avwanre kọ cha gan,

Ufuoma v’oyerinkugbe.

Ẹguọnọ r’idibo r’Ọghẹnẹ,

Nẹrh’avwanre se chirakon,

Ukoko r’avwanre adjarhọ,

Asan ra da mr’ofuvwegbe.

2. Ota ra ta vw’ọke ro fori,

Ọ nẹrh’ubiudu r’ohwo gan,

E ny’eta r’ọbọngan tiọyena,

Vw’unu r’iniọvo r’avwanre.

Mavọ ọnana vwerh’oma te,

A v’iniọvo vwọ ga kugbe!

J’a davwẹngba vwọ b’ohwohwo gan,

Vw’ukẹcha vwọ k’iniọvo na.

3. Ẹdẹ rode na sikẹri re,

Ẹdẹ rode ri Jihova.

E je siomakoko ọkieje,

Ra vwọ sẹro r’ọyọnregan.

J’avwanre v’idibo r’Ọghẹnẹ,

Kuomakugbe vwọ ga bẹdẹ.

Je phiuduphiy’awọ r’ohwohwo

Vwọ ga Jihova bẹvwẹdẹ.