Une 126
Owian rẹ Ẹguọnọ rẹ Avwanre
1. Jihova ọ nan’ẹdẹ;
Avwanre nẹrhovwo kẹ wẹ.
Ọghọ wọ k’avwanre, v’ebruba,
Unu se gbe rẹ!
Avwanre mr’ebruphiyọ
R’iruo r’ẹguọnọ r’avwanre.
Gbe n’uwevwin nana ro mudia
Dj’ẹguọnọ wẹn phia.
(EKUO)
Ọnan’uphẹn rode, Jihova
Ra vwọ b’uwevwin na kẹ wẹ.
Biko j’avwanre vw’ẹga kẹ wẹ kẹdẹ kẹdẹ,
Je vw’ujiri vwọ k’odẹ wẹn.
2. Oma ra vwerh’avwanre,
Avwanre vw’omam’igbeyan!
Ọnana cha nabọ k’avwanre
Aghọghọ bẹdẹ!
Womar’ẹwẹ’ọfuanfon wẹn,
Avwanre sa vwọ wian kugbe.
Ọnana vw’urinrin k’odẹ wẹn;
Ọy’ọghọ rode!
(EKUO)
Ọnan’uphẹn rode, Jihova
Ra vwọ b’uwevwin na kẹ wẹ.
Biko j’avwanre vw’ẹga kẹ wẹ kẹdẹ kẹdẹ,
Je vw’ujiri vwọ k’odẹ wẹn.
(Ji ni Une 116:1; 147:1; Rom 15:6.)