Fuevun Ọkieje

1. E j’a fuevun ki Jihova,

E je dj’evu’ẹfuọn vwọ phia.

Ker’ihwo re vwomakpotọ,

Re yọnr’irhi rọy’eje.

E j’avwanre vwẹrovwọso

Uchebro v’ota rọyen.

’Ghẹnẹ fuevun; j’a vwẹrosuọ.

E j’a k’ẹbẹre rọyen.

2. E j’a fuevun k’iniọvo na,

Ch’ay’uko ọkeneje.

Vwẹrot’ayen, vwẹrosu’ayen,

Womar’ota v’uruemu.

E je muọghọ k’iniọvo na

V’ubiudu r’avwanr’eje.

Ji Baibol na ch’avwanr’uko

Vwo bich’ayen ọkieje.

3. E j’a fuevun nen’uchebro

V’odjekẹ r’ukoko na.

E j’a vw’ẹwẹn r’avwanr’eje,

Nabọ nen’odjekẹ na.

Ke vw’ebruba ri Jihova,

Rọ cha nẹrh’avwanre gan.

A da fuevun, ọkeneje,

Ka cha di’emọ r’Ọghẹnẹ.