Ọtonphiyọ

ỌGHẸNẸ ROMEVWẸGBA na ọyehẹ Osun rẹ akpọ vẹ odjuvwu. Ọyen je hẹ esiri rẹ arhọ. O vwo ẹgba rọ vwọ hwosa rẹ erhuvwu vẹ umiovwo. Arhọ ravwanre eje hẹ obọ rọyen. Avwanre de nene urhi rọyen ko yovwin kẹ avwanre, e rhe nene-e, kẹ avwanre rioja. Ọtiọyena, ko fori nẹ avwanre ga vwẹ idjerhe rọ guọnọre.

Ihwo ga Ọghẹnẹ vwẹ idjerhe sansan. Ọ da dianẹ a vwẹ ẹga vwo dje idjerhe, kẹ ayen ejobi yin sun ohwo bru Ọghẹnẹ ra? Ẹjo, ọ diẹ ayen eje-e. Jesu, rọ diẹ ọmraro rẹ Ọghẹnẹ, djerephia nẹ idjerhe ivẹ yen herọ. Ọ tare nẹ: ‘idjerhe ọhẹhẹre rọ je pha phephẹn na ọyen sun ohwo kpẹ oghwọrọ, ihwo buebun yin nene idjerhe yena. Ẹkẹvuọvo idjerhe rọ pha kekeke rẹ anurhoro rọyen pha hwahwa na, ọyen sun ohwo kpẹ arhọ, imihwo krẹn yen sa guọnọ mrẹ.’—Matiu 7:13, 14.

Oka rẹ ẹga ivẹ yen herọ: ọvo sun ohwo kpẹ arhọ, ọ ro chekọ ko rhe sun ohwo kpẹ oghwọrọ. Ibroshọ nana cha chọnwuko vwọ mrẹ idjerhe ro sun ohwo kpẹ arho ri bẹdẹ.