Ovina vi Pondola Oku ku Kuatisa Oku Tanga Embimbiliya Eteke Leteke

Anga hẽ omo okuti o kuete ovina vialua vioku linga, pamue ci tĩla kokuove oku tanga Embimbiliya eteke leteke? (Yeh. 1:8) Nda oco, seteka oku kuama olonumbi evi:

• Sokiya ocina cimue ci pondola oku ku ivaluisa. Kapa votelefone yove elivala limue li pondola oku ku ivaluisa oku tanga Embimbiliya.

• Kapa Embimbiliya pocitumãlo cimue o pondola oku li mola lonjanga. Nda o kasi oku tanga Embimbiliya liopeka, li kapa ocipepi okuti pocitumãlo cimue o pondola oku limola eteke leteke.—Esin. 11:18.

• Yevelela ovipama via ngalavaliwa. Yevelela lutate ovipama via ngalavaliwa osimbu o linga ovopange eteke leteke. Manji Tara okuti ukundi wotembo yosi haeye ina kuenda o talavaya luteke wa popia hati: “Oku yevelela ovipama Viembimbiliya via ngalavaliwa osimbu ndi linga ovopange okonjo, ci ndi kuatisa oku amamako lesokiyo liange lioku tanga Embimbiliya eteke leteke.”

• Ku ka liwekepo. Nda okuti ku molẽha cimue ci pondola oku nyõla esokiyo liove, tanga ovinimbu vimue Viembimbiliya osimbu kua pekelele. Oku tanga Embimbiliya eteke leteke ndaño muẽle ovinimbu vimue, ci kuatisa calua.—1 Pet. 2:2.