Esunga Lieci Uyaki Lungangala vi Kasilili Oku Amamako
Embimbiliya li situlula asunga a velapo eci ku kasilili ovoyaki lungangala kuenda esunga lieci ovitangi viaco vi amamako.
EKANDU
Kefetikilo liulandu womanu, Suku wa lulika Adama la Eva ukuesetahãlo liaye. (Efetikilo 1:27) Kokuavo ca lelukile oku setukula ovituwa via Suku ndeci, ombembua kuenda ocisola. (1 Va Korindo 14:33; 1 Yoano 4:8) Pole Adama la Eva ka va pokuile ku Suku kuenje va linga ekandu. Eli olio esunga lieci okuti, vosi yetu koloneke vilo tua siata oku lingavo ekandu kuenda tu fa. (Va Roma 5:12) Kuenje ekandu li vetiya omanu oku sokolola loku linga ovina viungangala.—Efetikilo 6:5; Marko 7:21, 22.
OLOMBIALI VIOMANU
Ka tua lulikiwile luloño woku li viala etu muẽle. Embimbiliya li popia hati: “Omunu enda, ka ca tiamẽle kokuaye ndaño muẽle oku songuila oku enda kuaye.” (Yeremiya 10:23) Eli olio esunga lieci okuti, olombiali viomanu ka vi tẽla oku malako ungangala kuenda uyaki.
SATANA KUENDA OLONDELE VIAYE
Embimbiliya li situlula okuti “oluali luosi lu kasi povaka ondingaĩvi.” (1 Yoano 5:19) “Ondingaĩvi” yaco, Satana Eliapu kuenda eye o kuete onjongole yumondi. (Yoano 8:44) Eye kumue lolondele viaye, va siata oku vetiya omanu oku kala olongangala kuenda oku fetika ovoyaki.—Esituluilo 12:9, 12.
Omanu ka va tẽla oku malako ovina vi koka uyaki kuenda ungangala, pole Suku o pondola kuenda o yongola oku ci linga.