EMBIMBILIYA LI PONGOLOLA OMUENYO

Ovo va Sanga “Omota Yimue Yondongo ya Tĩla Calua”

Yesu wa longisa okuti Usoma wa Suku owo lika u kamalako ovitangi viomanu. (Mateo 6:10) Kelivulu lia Mateo 13:44-46, eye wa tukula alusapo avali oco a lekise esilivilo liocili liatiamẽla Kusoma wa Suku:

Ociluvialuvia: Alume vavali va tukuiwa valusapo a Yesu. 1. Ulume umue o kasi oku fẽla vepia kuenje o komõha omo liocina cimue a sanga. 2. Ulume ukuavo o kuete omota yondongo kuenje o yola.

Ulume umue wa kala oku talavaya vepia kuenje vocipikipiki wa sanga omota yimue.
Ulume umue ongende ukualomĩlu, wa kala oku sandiliya olomota via tĩla, wa sanga omota yimue yondongo ya fina calua haiyo yi kuete esilivilo lialua.

Kavali kavo va kuata esanju lialua kuenje va landisa cosi va kuata oco va lande ukuasi va sanga. Alume vaco, va lomboloka omanu vana va velisapo Usoma kuenda va likolisilako calua oco va ka tambule asumũlũho u ka nena kovaso yoloneke. (Luka 18:29, 30) Vovideo yi kuãimo, limbuka ulandu umue womanu vavali va sokisiwa lalume Yesu a tukula valusapo aye avali.