Sapuilako Vakuene Ovina wa Lilongisa

Elilongiso liopokolika li pondola oku tu pamisa calua. Pole, tu pondola oku pamisiwa vali calua, nda tua sapuilako vakuetu ovina viwa tua lilongisa. Kolosapo 11:25 hati: “Wosi o kavuluisa vakuavo o ka kavuluisiwavo.”

Eci tu sapuilako vakuetu ovina tua lilongisa, tu kuata elomboloko liwa liatosi awa tua sanga kelilongiso lietu kuenda ci leluka vali oku a patekela. Handi vali, ci tu kuatisavo oku kuata esanju momo tua kũlĩha okuti, ovolandu aco a pondolavo oku kuatisa vakuetu.​—Ovil. 20:35.

Seteka ndoco: Kosemana yi kuamamo, sanda apuluvi oku sapuilako omunu umue ovina wa lilongisa. Cikaile okuti omunu waco ukuepata, manji umue vekongelo, yuna vu talavayela kumosi, una vu lisungue ale omunu umue wa sanga kupange woku kunda. Seteka oku popia ovina wa lilongisa volondaka viove muẽle lonjila ya leluka, haiyo yi lomboloka ciwa.

Ivaluka okuti: Poku sapuilako vakuene ovina wa lilongisa ocimãho cove oku va pamisa, a ku va komõhisako.