Esunguluko Kuenda Ovisimĩlo Vietu

Ka tu lekisa lika okuti tu sole Yehova kovina viosi tu popia, ale kovina tu linga, pole, tu ci lekisilavo kovisimĩlo. (Os 19:14) Omo liaco, Embimbiliya li tu vetiya oku sokolola kovina viosi viocili, kovina via sumbiwa, kovina viesunga, kovina via pua evĩho, kovina via posoka kuenda kovina viosi vi sivayiwa. (Flp 4:8) Ocili okuti, ka tu tẽla oku tateka ovisimĩlo ka via sungulukile olonjanja viosi oku iñila vutima wetu. Pole, oku likandangiya ku tu kuatisa oku yuvula ovisimĩlo vivĩ loku vi piñainya lovisimĩlo viwa. Oku lekisa esunguluko kovisimĩlo vietu, ci ka tu kuatisavo oku amamako oku lekisa esunguluko kovituwa vietu.—Mar 7:21-23.

Soneha vombuelo yovinimbu Viembimbiliya ocisimĩlo tu sukila oku yuvula:

Rom 12:3

Luk 12:15

Mat 5:28

Flp 3:13