Asapulo

◼ Kupupu: Olorevista Utala Wondavululi kuenda o Despertai! Kupemba kuenda Evambi: Elivulu Embimbiliya Li Longisa Nye?, ale, yimue pokati kotuikanda tua sandekiwa kohongele yofeka yunyamo wo 2013.

◼ Akongelo ana a kuete onumbi yetu yo Internet, jw.org, eci va malusula ocipito Conjivaluko yolofa via Yesu, va tumise lonjanga esapulo lietendelo liomanu va kalako. Akongelo akuavo okuti ka a kuete etendelo yonumbi yetu yo Internet jw.org citava oku tumisa esapulo liavo vatendelo a sokiyiwila oku tumisa ulandu wupange woku kunda osãi losãi. Citava oku kongelamo etendelo, onduko yekongelo, omanu va kala kocipito Conjivaluko, vana va lia kombolo loku nyua kovinyu kuenda nda akongelo akuavo va lingila kumosi ocipito Conjivaluko yolofa via Yesu.

◼ Ku pituluiwe olonumbi vi sangiwa Vupange Wetu Wusoma wosãi yilo, kuenda, vukanda wa tumisiwa kakongelo osi keteke 3 kosãi Yenyenye wunyamo wo 2013, u lombolola ndomo tu yuvula ovina vi koka ohele eci tu kala kolohongele. Omo liaco esokiyo liohongele yosemana osimbu handi ka kua lingiwile ohongele yofeka li sokiyiwe ciwa. Eci pa pita osãi yimue ale olosãi vivali noke yohongele yofeka, onepa losapi hati, “Vievi vi sukiliwa vekongelo,” yi lingiwe oco ku pituluiwe atosi avelapo ohongele yofeka okuti a ka kuatisa akundi kupange woku kunda.