Okalendariu ko 2011 ka Lombolola Eci Catiamẽla Kefendelo Liepata
Okalendariu Kolombangi Via Yehova kunyamo wo 2011 ka kuete osapi hati, Efendelo Liepata. Oviluvialuvia viokalendariu kaco, vi ka lekisa apata vo koloneke vilo kuenda apata o kocita catete. Ka ka lekisavo Olombangi Via Yehova olohueli kuenda vana ka va kuelele okuti va kasi oku lilongisa Ondaka yaye.
Omanu vana va tukuiwa Vembimbiliya va lekisiwa vokalendariu, va sanjukila ocihandeleko ca Yehova, kuenda eci oco ca va kuatisa oku yula ovitangi va liyaka lavio. (Osa. 1:2, 3) Osimbu tu konomuisa oviluvialuvia viaco, tu ka ivaluka esilivilo Liefendelo Liepata ci kale okuti, epata lietu linene ale litito ci kale okuti vamue Halombangiko via Yehova. Vokalendariu kaco mu ka kala onepa yimue yoku soneha eteke wa sokiyi oku linga Efendelo liene Liepata. Ove hẽ wa sonehamo ale?