No te aha e hiˈopoa ˈi i te Bibilia?

No oe, eaha te papai tuiroo roa ˈˈe i te ao nei? O te Bibilia iho â. No te aha? No te aamu mau e vai ra i roto e faaite ra i te oraraa o te taata e to ratou taairaa e te Atua. Ma te parau ohie ia taa, e haapii mai iho â tera mau faatiaraa ia tatou. Ua nehenehe te reira e hurihia na roto e hanere reo taahia e te taata no te mau vahi e tau atoa. E mea tano noa iho â te mau aratairaa Bibilia.

Hau roa ˈtu â, e ere te Bibilia i te hoê noa buka no nia i te Atua, no ǒ mai râ ia ˈNa. I roto hoi e itehia ˈi to ˈna iˈoa, huru e ta ˈna opuaraa tei ore i taui a poiete ai i te fenua e te taata. E faaite atoa te Bibilia i te upootiaraa o te maitai i nia i te ino, te tahi ïa faatiaraa faahiahia e te hoê hopea oaoa mau. A taio ai i te Bibilia ma te manaˈo maitai e noaa ˈi te faaroo e te tiaturiraa.

I roto noa te Bibilia e itehia ˈi te tahi mau haamaramaramaraa. Te faaite maira te reira i te parau mau no nia i to muri nei mau uiraa:

• Na vai i poiete i te taata e no te aha tatou e mauiui ai?

• Eaha ta te Atua i rave no te faaora i te huitaata?

• Eaha ta Iesu i rave no tatou?

• Eaha te ananahi o te fenua e to te taata?

No te aha e ore ai e hiˈo poto noa i to muri nei mau api a ite atu ai i ta te Bibilia e parau ra?