Ravea 2

Eiaha e faaau ia oe ia vetahi ê

EAHA TA TE BIBILIA E HAAPII RA? “E hiˈopoa maite na râ te taata atoa i ta ˈna ihora ohipa, e riro tana oaoaraa ia ˈna iho i reira, eiaha ia vetahi ê.”—Galatia 6:4.

EAHA TE FIFI? E faaau iho â tatou ia tatou ia vetahi ê. I te tahi taime, i te feia mea iti aˈe ta ratou, e pinepine i te feia puai aˈe, ona aˈe, aore ra aravihi aˈe ia tatou. Noa ˈtu râ, e ere i te mea maitai. E ere na te reira e haafaufaa i te hoê taata, e mea hape tera manaˈo. Ia tinai atoa tatou i te manaˈo feii e tataˈu.—Koheleta 4:4.

EAHA TE RAVE? A tutava i te hiˈo ia oe mai ta te Atua e hiˈo ra ia oe. Ia ohipa te reira i nia i to oe manaˈo ia oe iho. “E hiˈo . . . te taata i te huru i rapae au aˈe, area o Iehova, e hiˈo ïa i te aau.” (Samuela 1, 16:7) E haafaufaa Iehovaa ia oe ia au i ta ˈna e ite i roto i to oe aau, i to oe mau manaˈo, huru aau e opuaraa. Eita râ oia e faaau ia oe i te tahi atu taata. (Hebera 4:12, 13) Te taa ra ia ˈna to oe mau taotiaraa e te faaitoito atoa maira ia farii i te reira. Ia faito oe i to oe faufaaraa ma te faaau ia oe ia vetahi ê, e teoteo aore ra e mauruuru ore noa oe. Ma te haehaa, a farii ïa e e ere oe i te mea aravihi no te mau mea atoa.—Maseli 11:2.

Ia aha iho â râ oe ia faufaahia i te aro o te Atua? Ua turai Oia i te peropheta Mika ia papai: “Ua faaite mai oia ia oe, e te taata na, i te mea maitai; e eaha ta Iehova hinaaro ia oe ra maori râ o te rave i te parau-tia, e ia hinaaro hoi i te aroha, e te haere ma te haehaa i te aro o to Atua?” (Mika 6:8) Ia pee oe i teie aˈoraa, e tiai aore ra e aupuru te Atua ia oe. (Petero 1, 5:6, 7) E tumu papu teie no te mauruuru, e ere anei?

[Nota i raro i te api]

[Hohoˈa i te api 5]

E haafaufaa Iehova ia oe ia au i ta ˈna e ite ra i roto i to oe aau