Omuaraa parau o te tuhaa 8

Ua haamaitai Iehova ia Solomona ma te horoa ˈtu i te paari rahi e i te hoê fanaˈoraa taa ê, oia hoi te paturaa i te hiero. Ua faarue mǎrû râ Solomona ia Iehova. E metua anei oe? A faataa i ta oe tamarii e nafea te feia haamori i te atua hape i faaatea ê ia Solomona i te Atua. Ua tatuhaahia te faatereraa arii. Ua turai te mau arii ino i te nunaa ia rave i te ohipa apotata e ia haamori i te mau idolo. I taua tau ra, e rave rahi peropheta taiva ore a Iehova tei hamani-ino-hia e tei haapohehia. Ua faatopa ˈtu â te arii vahine Iezebela i te faatereraa apatoerau i roto i te ohipa apotata. E tau peapea mau te reira o te aamu o Iseraela. Tera râ, e rave rahi taata taiva ore i Iseraela tei tamau i te tavini ia Iehova, mai te arii Iehosaphata e te peropheta Elia.