Nota i raro i te api

a Ua tauturu ta Iesu parau i te faatitiaifaro i te manaˈo hape i horoahia e te tahi mau huriraa bibilia tei hape i te huri i te taˈo “vairaa mai.” Ua huri te tahi mau tatararaa i te reira ei “taeraa mai,” “haereraa mai,” aore ra “hoˈiraa mai,” o tei horoa paatoa i te manaˈo o te hoê tupuraa taime poto i roto i te tau. A tapao na râ e aita Iesu i faaau i to ˈna vairaa mai i te diluvi i te anotau ia Noa ra, te hoê tupuraa i roto i te tau, teie râ i “te anotau ia Noa ra,” te hoê area tau tauiuiraa rahi mau. Mai tera area tau i tahito, e area tau te vairaa mai o te Mesia i reira te taata e haapao roa ino ai i te mau ohipa o te oraraa o te mau mahana atoa, a ore atu ai ratou e tâuˈa i te faaararaa i horoahia.