Nota i raro i te api

a Ua hiˈo aˈena te tahi mau Kerisetiano o te ohipa ra i roto i te mau fare maˈi i teie manaˈo faufaa. E mana to te hoê taote no te horoa i te mau raau aore ra i te huru rapaauraa na te hoê taata maˈi. Noa ˈtu e eita te hoê taata maˈi e patoi, nafea te hoê taote Kerisetiano e nehenehe ai e faaue i te hoê pâmuraa toto aore ra e rave i te hoê haamaruaraa tamarii, ma te ite eaha ta te Bibilia e parau ra no nia i taua mau tumu parau ra? Taa ê atu, aita ta te hoê vahine utuutu maˈi o te ohipa ra i te fare maˈi e mana mai te reira. A rave ai o ˈna i ta ˈna ohipa au noa, e faaue paha te hoê taote ia ˈna ia rave i te hoê hiˈopoaraa toto no te tahi tapao aore ra ia haapao i te hoê vahine tei haere mai no te hoê haamaruaraa tamarii. Ia au i te hiˈoraa tei faatiahia i roto i Te mau arii 2, 5:17-19, e faaoti paha o ˈna e i te mea e e ere na ˈna i faaue i te hoê pâmuraa toto aore ra i te hoê haamaruaraa tamarii, e nehenehe ta ˈna e tavini i te hoê taata maˈi. Parau mau, e tia â ia ˈna ia haapao i to ˈna haava manaˈo, no te faaea “ma te aau maitai i mua i te aro o te Atua.”—Ohipa 23:1.