Nota i raro i te api

a Ia parau te Bibilia e “o ta te taata e ueue ra, o ta ˈna â ïa e ooti mai,” e ere ïa te auraa e ia faaruru te hoê taata i te ati, e faautuaraa ïa te reira no ǒ mai i te Atua ra. (Galatia 6:7) I roto i teie nei ao e faaterehia nei e Satani, e pinepine te feia parau-tia i te faaruru rahi aˈe i te fifi i te feia ino. (Ioane 1, 5:19) “E e ririhia outou e te taata atoa no to ˈu nei iˈoa,” o ta Iesu ïa i parau atu i ta ˈna mau pǐpǐ. (Mataio 10:22) E nehenehe te maˈi e te tahi atu mau huru ati e roohia i nia i te mau tavini haapao maitai atoa a te Atua.—Salamo 41:3; 73:3-5; Philipi 2:25-27.