Nota i raro i te api

a No nia i te “tiaraa teitei o te mau Ariens,” ua faahiti te vea ra The New York Times no te 17 no febuare 1940, i te parau a te hoê melo katolika no te pu faatere a te fare haapiiraa tuatoru no Georgetown, oia hoi “ua faaroo oia ia Adolf Hitler i te parauraa e e tia i te Hau emepera Moˈa Roma, e hau emepera helemani hoi i mutaa ihora, ia haamau-faahou-hia”. Te parau maira râ te taata faatia aamu ra o William L. Shirer e mea nafea te mau ohipa i te hoperaa: “No nia i te Toruraa o te Reich, i haamauhia i te 30 no tenuare 1933, ua faahiti ïa o Hitler ma te teoteo e e vai maoro te reira hoê tausani matahiti, e i roto i te huru paraparau nazi, e pii-pinepine-hia te reira ‘te Reich o te hoê tausani matahiti’. I te parau mau, ua vai noa te reira hoê ahuru ma piti matahiti e e maha avae.”