E farii anei outou i te rapaauraa?

E rapaau iho â te mau Ite no Iehova ia ratou. Noa ˈtu ta matou atuaturaa i te tino ia maitai te ea, i te tahi taime ‘e hinaaro iho â matou i te taote.’ (Luka 5:31, Te Faufaa Api) Mai te Kerisetiano ra o Luka no te senekele matamua, e taote vetahi mau Ite no Iehova.—Kolosa 4:14.

Aita anaˈe te tahi rapaauraa e tuati ra i te mau faaueraa Bibilia, e haapae matou i te reira. Ei hiˈoraa, i te mea e te opani ra te Bibilia ia amu i te toto, eita matou e farii ia faaohipahia te reira no te rapaau i te maˈi. (Ohipa 15:20) Ia au atoa i te Bibilia, eiaha roa ˈtu te peu tahutahu ia riro ei ravea rapaauraa.—Galatia 5:19-21.

Aita te rahiraa o te mau rapaauraa e ofati ra i te mau faaueraa Bibilia. I roto i tera tuhaa, na te taata taitahi ïa e faaoti no ˈna iho. E farii paha te tahi Ite i te hoê rapaauraa, area te tahi atu, eita ïa.—Galatia 6:5.