No te aha outou e poro ai i te taata e haapaoraa ta ratou?

Mea au na e rave rahi taata e haapaoraa ta ratou e tauaparau i nia i te mau tumu parau Bibilia. E faatura iho â matou i te taata e ere hoê â tiaturiraa ta ratou e ta matou. Eita atoa matou e faahepo ia ratou ia farii i ta matou poroi.

Ia paraparau matou i te taata no nia i te haapaoraa, e pee matou i te aˈoraa Bibilia ia na reira ma te “mǎrû e te auraro maite atu.” (Petero 1, 3:15) Ua ite matou e e patoi te tahi pae i ta matou poroi. (Mataio 10:14) Ia paraparau matou i te taata e ite ai matou e e farii anei ratou aore ra eita. Ua ite atoa matou e e taui te oraraa o te taata.

Ei hiˈoraa, ma te oaoa e farii mai paha te hoê taata, tei ore hoi i na reira na no te vata ore. E faaruru te taata i te mau fifi apî aore ra e taui atoa to ratou huru oraraa, a tâua ˈtu ai i te poroi o te Bibilia. No reira matou e tutava noa ˈi i te paraparau i te taata.