Te faaohipa maite ra anei oe i te haruharuraa o te taioraa Bibilia?

Eaha te haruharuraa o te taioraa Bibilia? O te haruharuraa ïa o te taioraa o Te Bibilia, Huriraa o te ao apî. Te matara mǎrû mai ra te reira na roto e rave rahi reo. Te mea faahiahia roa ˈtu â i roto i tera haruharuraa, e ere hoê noa taata te taio, ia taui te taata e paraparau ra e taui atoa ïa te taata e taio ra. Ua faaoraorahia te haruharuraa ma te hauti atoa i te mau huru aau o tera e tera hiˈoraa Bibilia.

Mea nafea vetahi i faufaahia ˈi i te haruharuraa o te taioraa Bibilia? E rave rahi o te faaroo tamau nei i te haruharuraa o te taioraa Bibilia, ua au roa ratou no te mea e faaoraora roa te reira i te Parau a te Atua. No ratou, mai te huru ra ïa e te ora nei ratou i te tupuraa, te ite ra ratou i te mau huru aau a taa maitai atu â ˈi ia ratou tei papaihia. (Mas 4:5) E rave rahi atoa te faaohipa nei i te reira no te tamǎrû i to ratou feruriraa i te taime ahoaho.—Sl 94:19.

E nehenehe te faarooraa i te taioraa Bibilia e taui roa i to tatou oraraa. (Pa2 34:19-21) Mai te peu ua matara mai te haruharuraa o te taioraa Bibilia na roto i te hoê reo ta outou e taa maitai, e nehenehe outou e haamau i te fa e faaroo i te reira i te mau mahana atoa.

A MATAITAI I TE VIDEO TE HARUHARURAA O TE TAIORAA BIBILIA (TUHAA VIDEO) E A PAHONO I TEIE UIRAA:

Eaha ta outou e faahiahia ra i roto i te haruharuraa o te taioraa Bibilia?