Te faaipoiporaa, hoê apiti e a muri noa ˈtu

E faahanahana te hoê faaipoiporaa Kerisetiano ia Iehova e e oaoa atoa na hoa faaipoipo. (Mr 10:9) Ia vai maoro e ia oaoa noa te hoê faaipoiporaa, mea tia ia pee maite te Kerisetiano i te mau faaueraa Bibilia no te maiti i te hoê apiti.

Mea maitai aˈe ia tiai te hoê Kerisetiano e “ua mairi anaˈe to ˈna taurearearaa mai te umoa tiare i uaa ra” no te haamatau i te hoê taata. Eaha te tumu? I reira hoi te mau hinaaro e taoto i te hoê apiti e puai mai ai a haafifi atu ai ia ˈna ia rave i te faaotiraa maitai. (Ko1 7:36) A faaohipa i te taime o te faaea-taa-noa-raa no te haapuai i to oe auhoaraa e o Iehova e no te faatupu i te mau huru maitatai Kerisetiano. A na reira ˈi, ia tae i te taime e faaoti ai oe i te faaipoipo, e tauturu te reira ia oe ia oaoa i roto i to oe faaipoiporaa.

Hou a faaoti ai e faaipoipo, a rave i te taime no te ite i te “rotoraa” o te aau o te taata ta oe e haamatau ra. (Pe1 3:4) Ia feaa noa ˈtu oe, e titauhia ia tauaparau orua. I roto i te faaipoiporaa, e titauhia ia imi i te maitai o te apiti mai te ravehia i roto i te hoê auhoaraa. (Php 2:3, 4) Ia tamau outou i te pee maite i te mau faaueraa Bibilia hou te faaipoiporaa e i muri aˈe i te faaipoiporaa e fanaˈo ïa outou i te oraraa oaoa.

A MATAITAI I TE VIDEO FAAINEINERAA NO TE FAAIPOIPORAA (TUHAA 3): “TAIO I TE TAOˈA E OTI AI” E A PAHONO I TEIE MAU UIRAA:

• I te omuaraa, eaha te huru o te haamatauraa a te tuahine raua Shane?

• Eaha ta te tuahine i tapao i muri aˈe?

• Mea nafea to ˈna na metua i te tautururaa ia ˈna e eaha te faaotiraa î i te paari ta ˈna i rave?