A faaohipa i te buka Ia ora oe e a muri noa ˈtu! no te patu i te faaroo ia Iehova e ia Iesu

No te faaoaoa i te Atua, mea tia ia faatupu te mau piahi Bibilia i te faaroo puai. (Heb 11:6) E nehenehe ïa tatou e tauturu ia ratou ma te faaohipa i te buka Ia ora oe e a muri noa ˈtu! I roto i tera buka, te vai ra te mau irava faufaa, te mau faataaraa tano maitai, te mau uiraa maiti-maitai-hia, te mau video faahiahia e te mau hohoˈa nehenehe mau. Ia tauturu tatou i te mau piahi ia faatupu i te mau huru maitatai e te auhoaraa e te Atua, e faaohipa tatou i te mau ravea o te ore roa ˈtu e pau i te auahi.​—Ko1 3:12-15.

E manaˈo paha vetahi mea fifi ia riro ei hoa no te Atua no te mea aita ratou e ite mata ra ia ˈna. Mea faufaa ïa ia tauturu tatou ia ratou ia ite o vai mau Iehova e ia tiaturi ia ˈna.

A MATAITAI I TE VIDEO A PATU I TE FAAROO IA IEHOVA MA TE FAAOHIPA I TE BUKA “IA ORA OE E A MURI NOA ˈTU!” E A PAHONO I TEIE MAU UIRAA:

• E nafea tatou e ite ai e ua faaineine maitai te tuahine i te haapiiraa?

• Mea nafea o ˈna i te faaohiparaa i te mau uiraa maiti-maitai-hia no te tauturu i te piahi ia faaite i to ˈna mau manaˈo e huru aau no nia i te Isaia 41:10, 13?

• Eaha te huru o te piahi a ite ai i te video e te mau irava?

Mea rahi te taata o te ore e taa ra eaha mau na te hoo e o te ore e farii ra i te reira ei ô no ǒ mai i te Atua ra. (Ga 2:20) E titauhia ïa ia tauturu tatou ia ratou ia patu i to ratou faaroo i te tusia taraehara o Iesu.

A MATAITAI I TE VIDEO A PATU I TE FAAROO IA IESU MA TE FAAOHIPA I TE BUKA “IA ORA OE E A MURI NOA ˈTU!” E A PAHONO I TEIE MAU UIRAA:

• E nafea tatou e ite ai e ua faaineine maitai te taeae i te haapiiraa?

• Mea nafea to ˈna faaohiparaa i te tuhaa “Hiˈopoa” no te tauturu i te piahi?

• No te aha mea faufaa roa ia pure te piahi?