Te haapii mai i te hiˈoraa o Samuela

Aita Samuela i taiva aˈe ia Iehova i te roaraa o to ˈna oraraa. Ei tamarii, aita o ˈna i hinaaro e pee i te haerea ino o na tamaiti a Eli, Hophini e Phinehasa. (Sa1 2:22-26) A paari noa mai ai Samuela, tei pihai iho noa Iehova ia ˈna. (Sa1 3:19) Ei taata paari, ua tamau noa o ˈna i te tavini ia Iehova noa ˈtu aita ta ˈna mau tamaiti i pee ia ˈna.—Sa1 8:1-5.

Eaha te haapii mai i te hiˈoraa o Samuela? Mai te peu e taurearea outou, te taa ra ia Iehova i te mau fifi ta outou e farerei nei e oia atoa i to outou mau huru aau. E tauturu o ˈna ia outou ia itoito mai. (Isa 41:10, 13) Mai te peu e metua outou e aita ta outou mau tamarii e tavini ra ia Iehova, e nehenehe outou e faufaahia i te hiˈoraa o Samuela. Aita o ˈna i faahepo i ta ˈna mau tamaiti ia tavini ia Iehova ma te taiva ore. Ma te ani i te tauturu a Iehova, aita Samuela i taiva e aita o ˈna i ere noa ˈˈe i te farii maitai o Iehova. E nehenehe to outou hiˈoraa maitai e turai i ta outou tamarii ia hoˈi mai ia Iehova ra.

A MATAITAI I TE VIDEO HAAPII MAI I TO RATOU HIˈORAA: SAMUELA E A PAHONO I TEIE MAU UIRAA:

• 

  Ei tamarii, mea nafea to Samuela faaiteraa i te itoito?

• 

  Mea nafea to Danny faaiteraa i te itoito?

• 

  Ei taata paari, mea nafea to Samuela faaiteraa i te hiˈoraa maitai?

• 

  Mea nafea na metua o Danny i te faaiteraa i te hiˈoraa maitai?