A paruru i to orua faaipoiporaa

No Iehova, mea faufaa roa te mau euhe o te faaipoiporaa. Ua parau oia e titauhia ia vai piri noa te tane e te vahine te tahi i te tahi. (Mt 19:5, 6) Mea rahi te faaipoiporaa oaoa i roto i te nunaa o te Atua. Tera râ, aita hoê aˈe faaipoiporaa o te ore e faaruru i te mau fifi. E titauhia ia tatou ia patoi i te huru feruriraa o teie nei ao o te faariro i te faataa-ê-raa e i te faataaraa ei ravea no te faatitiaifaro i te mau fifi. E nafea te mau hoa faaipoipo Kerisetiano e nehenehe ai e paruru i to ratou faaipoiporaa?

A tapao na i teie mau ravea faufaa e pae:

1. A paruru i to oe aau ma te patoi i te mau peu faahinaaro tano ore e te mau faaanaanataeraa viivii. E mea atâta te reira no te faaipoiporaa.—Mt 5:28; Pe2 2:14.

2. A haapuai i to oe auhoaraa e te Atua e i to oe hinaaro ia faaoaoa ia ˈna i roto i to oe faaipoiporaa.—Sl 97:10.

3. A ahu noa mai i te huru taata apî e a faaite i te hamani maitai i roto atoa i te mea iti. E oaoa atu â to oe apiti.—Kol 3:8-10, 12-14.

4. A paraparau noa te tahi i te tahi ma te tura.—Kol 4:6.

5. Ia haamâha oe ma te here i te mau hinaaro o to oe hoa faaipoipo.—Ko1 7:3, 4; 10:24.

Ia faatura te mau Kerisetiano i te faaipoiporaa, e faahanahana ratou i te Tumu o te faaipoiporaa, o Iehova.

A MATAITAI I TE VIDEO “E HORO ANAˈE MA TE FAAOROMAI TAMAU”: A HAAPAO I TE MAU FAATURERAA A TE TATAˈURAA, E A PAHONO I TO MURI NEI MAU UIRAA:

• 

  Noa ˈtu e haamata te faaipoiporaa i roto i te oaoa, eaha paha te mau fifi ta te mau hoa faaipoipo e faaruru?

• 

  E nafea te mau aratairaa Bibilia e tauturu ai i te feia o te ore e oaoa ra i roto i to ratou faaipoiporaa?

• 

  Eaha mau na te mau ture ta Iehova i horoa no nia i te faaipoiporaa?

• Ia oaoa te mau hoa faaipoipo, eaha te titauhia ia rave raua?