TAOˈA RAU BIBILIA | EXODO 33-34
To Iehova mau huru maitatai faahiahia roa
Ua taa maitai atu â Mose i to Iehova mau huru maitatai e na te reira i tauturu ia ˈna ia faaite i te faaoromai i te mau Iseraela. Ia feruri maite atu â tatou i to Iehova mau huru maitatai, e nehenehe atoa tatou e faaite i te aroha hamani maitai i to tatou mau taeae e tuahine.
E aroha hamani maitai e te aumihi: E aupuru Iehova i ta ˈna mau tavini ma te here e ma te tâuˈa rahi ia ratou, mai te mau metua o te aupuru i ta ratou mau tamarii
Aita e ru i te riri: E faaite Iehova i te faaoromai a hapa ˈi ta ˈna mau tavini e e horoa ˈtu oia i te taime ia nehenehe ratou e taui
Mea î i te here e e faaite oia i te taiva ore: E here Iehova i ta ˈna mau tavini ma te taiva ore, e ore ïa tera here e mure
A UI IA OE IHO: ‘Nafea vau e pee ai i to Iehova aroha hamani maitai e i to ˈna aumihi?’