Te haafaufaa mau ra anei oe i te Parau a te Atua?

Ua papaihia te mau manaˈo o te Atua ra o Iehova e ta ˈna mau parau i roto i te Bibilia. O o ˈna te Fatu o teie buka moˈa. (Pe2 1:20, 21) Te haafaufaa ra te Bibilia i te haapapuraa o te tiaraa Arii hau ê o te Atua maoti ta ˈna Faatereraa arii. E tiaturiraa ïa to te huitaata atoa e fatata te hoê oraraa maitai aˈe i te tupu. Te faaite atoa mai ra te Bibilia i te huru î i te here o Iehova, to tatou Metua i te raˈi.—Sal 86:15.

Te haafaufaa ra tatou taitahi i te Parau a te Atua no te mau tumu e rave rau. Te faaite ra anei râ tatou e te haafaufaa tatou i teie ô faahiahia roa ma te taio i te Bibilia i te mau mahana atoa e ma te faaohipa i te reira i roto i to tatou oraraa? Ia haapapu tatou maoti ta tatou mau ohipa e hoê â huru aau to tatou e to te fatu salamo tei papai: “Te rahi roa nei to ˈu hinaaro i ta oe ra ture!”—Sal 119:97.

A MATAITAI NA I TE VIDEO UA HAAFAUFAA RATOU I TE BIBILIA: TE TAHI TUHAA (WILLIAM TYNDALE), E A PAHONO NA I TO MURI NEI MAU UIRAA:

• 

  No te aha William Tyndale i huri ai i te tahi mau tuhaa o te Bibilia?

• No te aha mea faahiahia roa ˈi ta ˈna mau tutavaraa no te huri i te Bibilia?

• Nafea te Bibilia a Tyndale i faaô-huna-hia ˈi i Beretane?

• Nafea tatou taitahi e faaite ai e te haafaufaa nei tatou i te Parau a te Atua?