A amuimui i te feia e here ra ia Iehova

No te aha e titauhia ˈi ia tatou ia amuimui i te feia o te here ra ia Iehova? No te mea e nehenehe ta tatou amuimuiraa e faaitoito mai ia rave i te mea tano aore ra e turai ia rave i te mea ino. (Mas 13:20) Ei hiˈoraa, ua “parau [aore ra faaite] atura Ioasa i te parau-tia i te aro o Iehova” a tamau noa ˈi oia i te amuimui i te tahuˈa rahi ra o Iehoiada. (Pa2 24:2) I muri aˈe râ i te poheraa o Iehoiada, ua faarue Ioasa ia Iehova no te mea ua apiti oia i te feia iino.—Pa2 24:17-19.

I te senekele matamua, ua faaau te aposetolo Paulo i te amuiraa Kerisetiano i te “hoê fare rahi” e te mau mero o te amuiraa, i te mau “farii.” E “mauhaa” noa tatou “no te hoê faaohiparaa tura” ia haapae tatou i te mau amuimuiraa piri i te taata o te rave ra i te mau ohipa ta Iehova e ore e au, fetii anei aore ra mero o te amuiraa. (Ti2 2:20, 21) No reira, e tamau anaˈe i te amuimui i te feia e here ra ia Iehova e o te faaitoito ra ia tatou ia tavini ia ˈna.

A MATAITAI NA I TE VIDEO A HAAPII I TE HAAPAE I TE AMUIMUIRAA I TE FEIA IINO E I MURI IHO, A PAHONO NA I TO MURI NEI MAU UIRAA:

• Nafea tatou e nehenehe ai e amuimui i te feia iino ma te ite ore?

• I roto i te video, eaha tei tauturu i na toru Kerisetiano ia haapae i te mau amuimuiraa iino?

• Eaha te mau aratairaa Bibilia e tauturu ra ia oe ia maiti i ta oe mau amuimuiraa ma te paari?