Ia aravihi atu â i roto i te taviniraa: Faaea i te hoê haapiiraa Bibilia

NO TE AHA E MEA FAUFAA ˈI? E mea tia ia tiaoro te taata i te iˈoa o Iehova ia faaorahia ratou. (Ro 10:13, 14) Tera râ, eita pauroa te taata tei farii i te haapii i te Bibilia e hinaaro e ora ia au i te mau ture aveia a Iehova. E faaohipa maitai tatou i to tatou taime i roto i te taviniraa ma te tauturu i te feia o te hinaaro iho â e rave i te mau tauiraa no te faaoaoa ia Iehova. Mai te peu aita te piahi Bibilia e haere ra i mua i muri aˈe i te hoê taime tano, e faaotiraa î i te paari ia faaea i ta ˈna haapiiraa e ia faaohipa i to tatou taime no te feia ta Iehova e faafatata mai ia ˈna e i ta ˈna faanahonahoraa. (Ioa 6:44) Papu maitai, mai te peu e taui te taata e e faaite oia e “aau farii [to ˈna] i te ora mure ore,” e faatere faahou tatou i ta ˈna haapiiraa Bibilia.—Ohi 13:48.

NAFEA ÏA?

• A haapopou i te piahi no to ˈna hinaaro e ite i te parau mau.—Ti1 2:4

• A haapapu e mea faufaa ia faaohipa i ta ˈna e haapii mai.—Lu 6:46-49

• Ma te mǎrû, a faaohipa i ta Iesu faahohoˈaraa no nia i te taata tei ueue i te huero e a ani atu eaha te nehenehe e tapea ia ˈna ia faaohipa i ta ˈna e haapii mai ra.—Mt 13:18-23

• Ma te tura, a faataa ˈtu no te aha e faaea oe i ta ˈna haapiiraa

• A faaite ia ˈna e taniuniu oe aore ra e haere mai oe e farerei ia ˈna i te tahi mau taime no te faaitoito ia ˈna. A faaite atoa ˈtu e e nehenehe te haapiiraa e faatere-faahou-hia mai te peu e rave oia i te mau tauiraa

A MATAITAI NA I TE VIDEO E A PAHONO NA I TO MURI NEI MAU UIRAA:

• Eaha ta oe i haapii mai i teie aparauraa e faaite ra aita te piahi e haere ra i mua i te pae varua?

• E nafea te taata poro i tauturu ai i te piahi ia taa e titauhia ia ˈna ia rave i te mau tauiraa?

• E nafea te taata poro i faaite ai e faatere faahou oia i ta ˈna haapiiraa ia ineine te piahi?