TAOˈA RAU BIBILIA | LUKA 8-9
A riro ei pǐpǐ na ˈu: Eaha te titauhia ia rave?
No te arote i te repo ma te afaro, eita roa ˈtu te taata faaapu e hiˈo i muri. Hoê â huru no te hoê Kerisetiano. Eita oia e nehenehe e hiˈo i muri, oia hoi e manaˈo noa i te mau mea o teie ao ta ˈna i haapae.—Php 3:13.
A faaruru ai tatou i te fifi, mea ohie roa ia parau: “Mea au aˈe i tera ra tau.” Te manaˈo ra paha tatou i te tau hou a ite ai tatou i te parau mau. A na reira ˈi, pinepine tatou i te faarahi roa i te mau tupuraa oaoa o tera tau e i te faaiti i te mau fifi ta tatou i faaruru na. Tera ta te mau Iseraela i rave i muri aˈe i to ratou faarueraa ia Aiphiti. (Nu 11:5, 6) Mai te peu e tamau tatou i te manaˈo mai te reira, e hinaaro paha tatou e ora faahou mai i na mua ˈtu. Mea maitai aˈe ia tiatonu i nia i te mau haamaitairaa ta tatou e fanaˈo ra e i nia i te mau ohipa oaoa a muri aˈe ta te Faatereraa arii e faatupu!—Ko2 4:16-18.