“A ara”

25:1-12

Ua faahiti Iesu i te parabole o na vahine apî ahuru no ta ˈna mau pǐpǐ faatavaihia. Tera râ, e tano te haapiiraa o tera parabole no te mau Kerisetiano atoa. (w15 15/3 api 12-15) “A ara ïa, aita hoi outou i ite i te mahana e te hora.” (Mt 25:13) E nehenehe anei oe e faataa i te parabole a Iesu?

• Te tane faaipoipo (irava 1): Iesu

• Na vahine apî î i te paari e ineine (irava 2): Te mau Kerisetiano faatavaihia tei faaineinehia no te amo i ta ratou hopoia ma te taiva ore e o te anaana ra ei tiarama i roto i teie nei ao tae roa ˈtu i te hopea (Php 2:15)

• Ua tuôhia: “Teie te tane faaipoipo!” (irava 6): Te haapapuraa o te tau o te hoˈiraa mai o Iesu

• Vahine apî neneva (irava 8): Te mau Kerisetiano faatavaihia o te haere e farerei i te tane faaipoipo, aita râ ratou i vai ara e i vai taiva ore

• Aita na vahine apî î i te paari i hinaaro e horoa ˈtu i ta ratou hinu (irava 9): I muri iho i te tapaoraa hopea, eita te feia faatavaihia taiva ore e nehenehe faahou e tauturu i te feia taiva

• “Tae maira te tane faaipoipo” (irava 10): Te tae mai ra Iesu no te haava, hou rii te hopea o te ati rahi

• Tomo aˈera na vahine apî i roto i te fare oroa faaipoiporaa e tapirihia ˈtura te opani (irava 10): I te raˈi, te haaputuputu ra Iesu i ta ˈna mau pǐpǐ faatavaihia tei vai taiva ore. Ua ere râ te feia taiva i ta ratou haamaitairaa i te raˈi