A faaineine ia ratou ia tamau i te tavini ia Iehova

Te faaite ra te mau tupuraa e ia faaineine-oioi-hia te feia poro apî ia apiti tamau ratou ma te itoito i te pororaa, mea pinepine, e riro mai ratou ei feia poro aravihi. (Mas 22:6; Php 3:16) Teie te tahi mau manaˈo e nafea oe e tauturu ai i te hoê piahi ia haamau i te hoê niu papu maitai no te pororaa:

• I te taimeraa iho â e fariihia ˈi ta oe piahi e riro ei taata poro, a haamata i te faaineine ia ˈna. (km 8/15 1) A faaite atu i te faufaaraa ia tuu i te pororaa i roto i ta ˈna tapura ohipa pae varua o te hebedoma. (Php 1:10) A tapea i te hoê manaˈo maitai a paraparau ai no nia i te tuhaa fenua. (Php 4:8) A faaitoito ia ˈna ia poro e te tiaau o te pǔpǔ pororaa e te tahi atu feia poro ia faufaahia oia i to ratou aravihi.—Mas 1:5; km 10/12 6 par. 3

  

• I muri aˈe a bapetizohia ˈi ta oe piahi, eiaha e faaea i te faaitoito ia ˈna e ia faaineine ia ˈna i roto i te pororaa, mai te peu iho â ra aita â ta ˈna haapiiraa i nia i te buka Here mai te Atua i oti atura.—km 12/13 7

  

• Ia poro oe na muri i te hoê taata poro apî, a faaohipa i te hoê faaiteraa ohie. I muri aˈe a faaroo ai i ta ˈna faaiteraa, a haapopou maitai ia ˈna. A horoa ˈtu i te tahi mau manaˈo ia aravihi atu â oia.—km 5/10 7