Ia aravihi atu â i roto i te taviniraa—A haamata i te aparauraa no te poro ma te faanaho-ore-hia

No te aha e mea faufaa ˈi? Ia poro tatou i tera e tera fare, e ite pinepine tatou e aita te rahiraa o te mau taata i ǒ ratou. E farerei paha tatou ia ratou ia haere anaˈe na nia i te pereoo mataeinaa, ia tiai tatou i te taote, i te mau taime faafaaearaa i te raveraa ohipa aore ra i te fare haapiiraa e te vai atu â. E hinaaro Iehova ia faaroo te mau taata atoa i te poroi o te Basileia. (Tim. 1, 2:3, 4) E titau-pinepine-hia ia haamata i te aparauraa no te faaite atu i te poroi.