Dieu nous parle par Jérémie
1. Eaha te papai e hiˈopoahia i te Haapiiraa Bibilia a te amuiraa?
1 Ua oaoa roa tatou a matara mai ai te hoê buka apî i te tairururaa mataeinaa 2010 “Ia piri noa to oe taairaa e o Iehova!” Te faaite ra teie papai, no roto mai i te mau buka a Ieremia e Te oto o Ieremia, i te mau haapiiraa no to tatou oraraa i tera e tera mahana. (Roma 15:4) Mai te 5 atu no Novema 2012, e hiˈopoahia teie buka i te Haapiiraa Bibilia a te amuiraa.
2. E tauturu mai te mau buka a Ieremia e Te oto o Ieremia ia aha?
2 Faufaaraa: Ua tohu Ieremia, tei papai i ta ˈna buka faaurua, i te hoê taime arepurepu rahi i Iuda. I te omuaraa, ua manaˈo oia e eita te hopoia e tano ia ˈna. (Ier. 1:6) Ua hamani-ino-atoa-hia oia e te feia ta ˈna i matau e to ˈna atoa paha fetii no Anatota. (Ier. 11:21, 22) Ua toaruaru iho â Ieremia i te tahi taime. (Ier. 20:14) A haapao ai tatou i te faaueraa, “e faariro i te mau fenua atoa ei pǐpǐ,” e tupu mai iho â te fifi e te mau manaˈo mai to Ieremia. (Mat. 28:19) E tauturu mai ta ˈna i papai ia rave i ta tatou taviniraa ma te tiaturi e te itoito rahi.
3. Eaha te tahi mau tuhaa o te buka Jérémie?
3 Te mau tuhaa: Ua papai-faahipa-hia te mau irava faufaa e taiohia. Na hoê aore ra e piti uiraa haaferuriraa papai-meumeu-hia e faaite i te mau manaˈo faufaa o te haapiiraa. E faaohipa-atoa-hia tera mau uiraa ei haamanaˈoraa ia hope te haapiiraa o te hebedoma taitahi. E hinaaro iho â te amuiraa e tatara i te mau hohoˈa nehenehe roa o teie buka.
4. E nafea tatou e faufaa-mau-hia ˈi ia hiˈopoa i te buka Jérémie?
4 Ia faufaa-mau-hia oe, a faaineine oioi i ta oe haapiiraa. A imi i te mau manaˈo ta oe e faaohipa i roto i to oe oraraa e ta oe taviniraa. A apiti rahi i te aparauraa maoti ta oe mau pahonoraa. Ma te haamaitairaa a Iehova, ua amo hope roa o Ieremia i ta ˈna hopoia ma te oaoa e te mauruuru. (Ier. 15:16) Ia tauturu iho â ïa te hiˈopoaraa i teie papai apî ia oe ia rave i ta oe taviniraa mai ia Ieremia.