Ia onoono maite â i te poro!
1. Ia ara maite tatou i teihea faaueraa a Paulo?
1 “E faaite hua oe i te parau, ia onoono maite â.” (Tim. 2, 4:2) No te aha e mea faufaa roa ˈi teie faaueraa a Paulo no tatou? E nafea teie mau parau e ohipa ˈi i nia i to tatou e to vetahi ê oraraa?
2. No te aha e imi maite ai i te feia aitâ i faaroo i te parau apî maitai?
2 E ati to mua: E mirioni â taata ati aˈe te ao tei ore â i faaroo i te parau apî maitai e aratai i te ora. (Roma 10:13-15; Tim. 1, 4:16) Tei roto e rave rahi taata aau haavare ore i te tuhaa fenua ohipa-pinepine-hia. Ia hoˈi atu tatou i te tahi atu mahana aore ra hora, e taata ê paha ïa ta tatou e farerei. E manaˈo haava maitai e e tiamâ mai tatou i te utua toto ia imi maite tatou ia ratou.—Ohi. 20:26.
3. E nafea ia faaohipa maitai i to tatou taime i roto i te taviniraa?
3 Noa ˈtu te patoiraa uˈana ta ratou i faaû, ‘ua î roa Ierusalema i te haapiiraa’ a te mau Kerisetiano o te senekele matamua. (Ohi. 5:28) Hoê â anei ta tatou faaotiraa e “faaite hua ˈtu”? (Ohi. 10:42) I roto i te taviniraa, te faaohipa maitai ra anei tatou i te taime? Ia rave vetahi atu i te hoê hoˈi-faahou-raa e te tiai ra tatou ia ratou, e faaitoito anei tatou i te poro i te taata e hahaere ra?
4. No te aha te onoono-maite-raa i te poro e tauturu ai ia vai ara noa?
4 Ia vai ara ˈtu â tatou: Te piri roa maira te hopea o teie nei ao, ia vai ara noa ïa tatou e tia ˈi. (Tes. 1, 5:1-6) Ia faaite tamau tatou i ta tatou tiaturiraa o te Basileia, eita tatou e teimahahia e teie nei ao. (Luka 21:34-36) E ia haamanaˈo noa tatou i te mahana o Iehova, e apiti roa ˈtu â ïa tatou i te ohipa pororaa faaoraraa.—Pet. 2, 3:11, 12.
5. No to tatou faatura i te ora, e nafea tatou i roto i te taviniraa?
5 Ia onoono maite â tatou i te poro, e faaite tatou i to Iehova manaˈo i te ora: “Aita roa [oia] i hinaaro e ia pohe atu te hoê, ia noaa paatoa râ te tatarahapa.” (Pet. 2, 3:9; Ezek. 33:11) E faaoti papu anaˈe i te farerei e rave rahi roa taata i roto i ta tatou tuhaa fenua, ia arue te taatoaraa ia Iehova!—Sal. 109:30.