Pahonoraa i ta outou mau uiraa

◼ E nafea ia faauehia oe ia faaea i te poro?

I te tahi mau taime, ua faaue te mutoi i te tahi pae ia faaea i te poro, ma te faaara ˈtu e te ofati ra ratou i te ture. Ia tupu te reira, a faarue oioi i te tuhaa fenua ma te faatura. (Mat. 5:41; Phil. 4:5) Eiaha e tamata i te faatitiaifaro i te fifi ma te faataa ˈtu i to tatou mau tiaraa. Ia nehenehe, a ani ma te faatano i te parau i te numera o te mutoi e to ta ˈna fare mutoi. I muri iho, a faaara oioi i te mau matahiapo, o te faaite i te tupuraa i te amaa. Ia faaue atoa te hoê taata haapao i te hoê fare tahua aore ra vahi faaearaa ia haere i rapae, a auraro vave ïa e a faaara i te mau matahiapo. Ia haa tatou ma te mǎrû e te haehaa e te feia toroa, eita ïa te mau fifi e tupu.—Mas. 15:1; Roma 12:18.