Te iˈoa o te Atua i roto i te tahi papai Bibilia tahito
Eaha ta te Bibilia e parau ra?
E iˈoa anei to te Atua?
TE PARAU RA VETAHI: Aita e iˈoa to ˈna. No te tahi atu, o “te Atua” aore ra “te Fatu” to ˈna iˈoa. E parau atoa vetahi e rave rahi iˈoa to te Atua. Eaha to oe manaˈo?
EAHA TA TE BIBILIA E PARAU RA?
“Ia ite te taata atoa e, o Iehova to oe iˈoa, e o oe anaˈe tei Teitei i te fenua atoa nei.”—Salamo 83:18.
EAHA ˈTU Â TA TE BIBILIA E HAAPII MAI RA?
E rave rahi tiaraa to te Atua, hoê anaˈe râ iˈoa to ˈna.—Exodo 3:15.
Te hinaaro ra te Atua ia ite tatou o vai o ˈna.—Ohipa 17:27.
E haamata te auhoaraa e te Atua ia ite na mua tatou i to ˈna iˈoa.—Iakobo 4:8.
Mea ino anei ia faahiti i te iˈoa o te Atua?
E PAHONO ANEI OE:
E
E ere
Peneiaˈe
EAHA TA TE BIBILIA E PARAU RA?
“Eiaha oe e faahiti faufaa ore noa i te iˈoa o to Atua ra o Iehova.” (Exodo 20:7) Te mea ino, o te faahitiraa ïa i te iˈoa o te Atua ma te tano ore.—Ieremia 29:9.
EAHA ˈTU Â TA TE BIBILIA E HAAPII MAI RA?
Ua ite Iesu o vai te iˈoa o te Atua e ua faahiti i te reira.—Ioane 17:25, 26.
Te titau ra te Atua ia faahiti i to ˈna iˈoa a pure ai ia ˈna.—Salamo 105:1.
Te tamata ra te mau enemi o te Atua i te haamoe i to ˈna iˈoa.—Ieremia 23:27.