TE PAHONO RA TE BIBILIA
E nafea tatou e faufaahia ˈi i te pohe o Iesu?
A hamani ai i te taata, ua hinaaro te Atua ia ora ratou e a muri noa ˈtu i te fenua nei, eiaha râ ia mauiui no te maˈi e te pohe. Teie nei râ, ua faaroo ore te taata matamua ra o Adamu i to ˈna Atua poiete e ua ere i te haamaitairaa e ora e a muri noa ˈtu. (Roma 5:8, 12; 6:23) Ua tono mai te Atua parau mau ra o Iehova i ta ˈna Tamaiti i te fenua nei no te pohe a nehenehe atu ai tatou e fanaˈo i ta Adamu i ere.—A taio i te Ioane 3:16.
Ua pohe Iesu ia nehenehe te huitaata e ora e a muri noa ˈtu. Mai te aha ïa te oraraa i te fenua nei i tera taime?
E nehenehe ta tatou mau hara e faaorehia e e fanaˈo atoa i te ora mure ore maoti te pohe o Iesu. Te faataa ra te Bibilia i te huru oraraa i te fenua nei ia ore te ruhiruhia, te maˈi e te pohe.—A taio i te Isaia 25:8; 33:24; Apokalupo 21:4, 5.
E nafea ia haamanaˈo i te pohe o Iesu?
I te po hou oia a pohe ai, ua parau Iesu i ta ˈna mau pǐpǐ ia haamanaˈo i to ˈna pohe na roto i te hoê oroa ohie ia faatupu. Ia na reira tatou i te mau matahiti atoa e ite ïa tatou i to Iesu e to Iehova here rahi no te huitaata.—A taio i te Luka 22:19, 20; Ioane 1, 4:9, 10.